ASIR 1º · Curso 2025/2026 · CIFP A Carballeira

Implantación de
Sistemas Operativos

Programación didáctica oficial do módulo MP0369. Aquí atoparás as unidades didácticas, os criterios de avaliación, os contidos e todo o necesario para o curso.

213
Horas anuais
7
Sesións semanais
4
Unidades didácticas
8
Resultados de aprendizaxe
Centro
CIFP A Carballeira-M. Valcárcel
Ciclo
ASIR · Grao Superior
Código
MP0369 · Grupo A
Docente
Peña Pérez, Silvia María
Ano académico
2025 / 2026
Modalidade
Presencial · Réxime xeral

Unidades Didácticas

Fai clic en cada unidade para ver os resultados de aprendizaxe, criterios de avaliación e contidos.

Resultados de Aprendizaxe e Criterios de Avaliación
  • Identificáronse os elementos funcionais dun sistema informático.
  • Identificáronse as características, as funcións e a arquitectura dun sistema operativo.
  • Comparáronse sistemas operativos, así como as súas versións e licenzas de uso.
  • Realizáronse instalacións de sistemas operativos.
  • Prevíronse e aplicáronse técnicas de actualización e recuperación do sistema.
  • Arranxáronse incidencias do sistema e do proceso de inicio.
  • Utilizáronse ferramentas para coñecer o software base instalado.
  • Elaborouse documentación de soporte relativa ás instalacións efectuadas.
  • Planificáronse, creáronse e configuráronse contas de usuario, grupos, perfís e políticas de contrasinais locais.
  • Asegurouse o acceso ao sistema mediante o uso de directivas de conta e de contrasinais.
  • Actuouse sobre os servizos e os procesos en función das necesidades do sistema.
  • Instaláronse, configuráronse e verificáronse protocolos de rede.
  • Analizáronse e configuráronse os métodos de resolución de nomes.
  • Adaptouse o uso dos sistemas operativos para sistemas portátiles.
  • Utilizáronse máquinas virtuais para realizar tarefas de configuración de sistemas operativos.
  • Documentáronse as tarefas de configuración do software de base.
  • Comparáronse diversos sistemas de ficheiros e analizáronse as súas diferenzas e vantaxes.
  • Describiuse a estrutura de directorios do sistema operativo.
  • Identificáronse os directorios contedores dos ficheiros de configuración do sistema.
  • Utilizáronse ferramentas de administración de discos para crear particións, unidades lóxicas e volumes.
  • Implantáronse sistemas de almacenamento redundante.
  • Implementáronse e automatizáronse plans de copias de seguridade.
  • Administráronse cotas de disco.
  • Documentáronse as operacións realizadas e os métodos para a recuperación ante desastres.
Contidos
Estrutura dun sistema informático
Dixitalización da información
Concepto e arquitectura de SO
Tipos de sistemas operativos
Licenzas e tipos de licenzas
Instalación de SO: requisitos e versións
Instalación e configuración en nube
Automatización da instalación
Ficheiros de respostas
Actualización de sistemas operativos
Ficheiros de inicio de SO
Rexistro do sistema
Administración de usuarios e grupos locais
Directivas de conta locais
Seguridade de contrasinais
Configuración TCP/IP en clientes
Resolución de nomes e DNS
Compartición de recursos en rede
Virtualización: VMs e contedores
Sistemas de ficheiros e características
Ferramentas de administración de discos
Sistemas de tolerancia a fallos
Plans de copias de seguridade
Recuperación ante fallos
Resultados de Aprendizaxe e Criterios de Avaliación
  • Creáronse dominios, subdominios e bosques.
  • Administráronse contas de usuario e de equipamentos.
  • Centralizouse a información persoal dos usuarios mediante perfís móbiles e cartafoles persoais.
  • Creáronse e administráronse grupos de seguridade.
  • Creáronse patróns que faciliten a administración de usuarios con características similares.
  • Organizáronse os obxectos do dominio para facilitar a súa administración.
  • Utilizáronse máquinas virtuais para administrar dominios e verificar o seu funcionamento.
  • Documentouse a estrutura do dominio.
  • Incorporáronselle equipamentos ao dominio.
  • Configuráronse bloqueos para accesos non autorizados ao dominio.
  • Administrouse o acceso a recursos locais e recursos de rede.
  • Tivéronse en conta os requisitos de seguridade.
  • Implementáronse e verificáronse directivas de grupo (GPO).
  • Asignáronse directivas de grupo.
  • Documentáronse as tarefas e as incidencias.
Contidos
Estrutura cliente-servidor
Protocolo LDAP
Concepto de dominio
Servidores de dominio: estrutura e topoloxía
Bosques, subdominios, UOs
Controladores do dominio
Estacións e servidores membros
Instalación de infraestrutura de dominio
Relacións de confianza
Replicación de información
Roles e mestres de operacións
Obxectos do dominio
Tipos de contas de usuario
Perfís móbiles e obrigatorios
Cartafoles persoais
Grupos: tipos e estratexias
Permisos e dereitos
ACL: listas de control de acceso
Directivas de grupo (GPO)
Directivas de seguridade
Delegación de permisos
Ferramentas de xestión de GPO
Resultados de Aprendizaxe e Criterios de Avaliación
  • Identificáronse os obxectos monitorizables nun sistema informático.
  • Identificáronse os tipos de sucesos.
  • Utilizáronse ferramentas de monitorización en tempo real.
  • Monitorizouse o rendemento mediante rexistros de contador e de seguimento do sistema.
  • Planificáronse e configuráronse alertas de rendemento.
  • Interpretáronse os rexistros de rendemento almacenados.
  • Analizouse o sistema mediante técnicas de simulación para mellorar o rendemento.
  • Elaborouse documentación de soporte e de incidencias.
  • Administráronse dereitos de usuario e directivas de seguridade.
  • Identificáronse os obxectos e os sucesos auditables.
  • Elaborouse un plan de auditorías.
  • Identificáronse as repercusións das auditorías no rendemento do sistema.
  • Auditáronse sucesos correctos e erróneos.
  • Auditáronse os intentos de acceso e os accesos a recursos do sistema.
  • Xestionáronse os rexistros de auditoría.
  • Documentouse o proceso de auditoría e os seus resultados.
Contidos
Estrutura e metodoloxías do servizo IT
Servidores de actualizacións automáticas
Técnicas de asistencia remota
Ferramentas de xestión de incidencias
Ferramentas de monitorización en tempo real
Ferramentas de monitorización continuada
Ferramentas de análise do rendemento
Tipos de sucesos e rexistros
Monitorización de sucesos
Ferramentas de diagnóstico
Xestión de aplicacións, servizos e procesos
Protocolo SNMP
Requisitos de seguridade e datos
Obxectivos e ámbito da auditoría
Mecanismos de auditoría e alarmas
Técnicas e ferramentas de auditoría
Informes de auditoría
Resultados de Aprendizaxe e Criterios de Avaliación
  • Instalouse software específico segundo a documentación técnica.
  • Realizáronse instalacións desatendidas.
  • Configurouse e utilizouse un servidor de actualizacións.
  • Planificáronse protocolos de actuación para resolver incidencias.
  • Seguíronse os protocolos de actuación para resolver incidencias.
  • Deuse asistencia técnica a través da rede e documentáronse as incidencias.
  • Elaboráronse guías visuais e manuais para instruír no uso de sistemas operativos.
  • Documentáronse as tarefas realizadas.
Contidos
Software específico cliente/servidor
Instalacións desatendidas
Servidor de actualizacións (WSUS/apt)
Protocolos de actuación en incidencias
Asistencia técnica remota
Ferramentas de escritorio remoto
Guías visuais e manuais de usuario
Documentación técnica de tarefas

Avaliación

Sistema de cualificación, recuperación e avaliación inicial do módulo.

Peso de cada UD na cualificación final
UD1 · Instalación e configuración de SO 35%
UD2 · Administración de dominios 35%
UD3 · Monitorización e auditoría 20%
UD4 · Software cliente/servidor 10%
Avaliación inicial
Realizarase nas primeiras sesións do curso co obxectivo de coñecer o punto de partida do alumnado. Inclúe un cuestionario individual sobre hardware, software e experiencia con sistemas operativos, e unha actividade diagnóstica práctica en parellas ou pequenos grupos. Non ten efectos na cualificación final.
Recuperación de UDs
Ao remate do curso, o alumnado que teña unidades sen superar poderá realizar probas específicas de recuperación por unidade. Cada proba terá cualificación independente que substituirá a nota anterior se é máis favorable. A nota final é a media ponderada das UDs.
Proba extraordinaria
O alumnado que non supere o módulo na avaliación ordinaria terá dereito a unha proba extraordinaria global de carácter teórico-práctico, que abranguerá os contidos fundamentais das 4 UDs. Considérase superado o módulo con nota igual ou superior a 5,0.
Comunicación periódica ao alumnado
O profesorado informará periodicamente o alumnado sobre o grao de superación de cada unidade didáctica. A aula virtual recollerá as datas e condicións das probas de recuperación.
Medidas de reforzo educativo
Detección temperá de dificultades, reexplicacións e boletíns de consolidación, titorías individuais ou en grupos reducidos, materiais de apoio (vídeos, mapas conceptuais, chuletas de comandos) e agrupamentos flexibles con apoio entre iguais.
Instrumentos de avaliación
Combínanse probas escritas teórico/prácticas (PE), listas de cotexo (LC), táboas de observación (TO) e outros instrumentos de avaliación, adaptados a cada UD e ao tipo de resultado de aprendizaxe que se avalía.

Educación en Valores

Os valores intégranse de forma transversal en todas as unidades didácticas, a través das actividades de aula e laboratorio.

Responsabilidade e rigor técnico
Revisión das actuacións antes de dar por rematado o traballo. Documentación de todo o que se fai, conservación de probas e respecto aos procedementos establecidos.
Seguridade e uso ético da información
Confidencialidade, integridade e dispoñibilidade da información. Uso responsable das credenciais e respecto á privacidade doutras persoas usuarias.
Autonomía e iniciativa
Diagnóstico e resolución de incidencias seguindo protocolos antes de solicitar axuda. Busca de información en fontes técnicas fiables e proposición de solucións.
Cooperación e traballo en equipo
Actividades en parellas ou grupos con roles rotativos (técnico, usuario, documentador). Linguaxe clara e respectuosa ao explicar problemas e redactar informes.
Igualdade e inclusión
Participación equilibrada en grupos mixtos. Respecto ao ritmo de aprendizaxe de cada persoa e clima de aula sen actitudes discriminatorias.

Actividades Complementarias

Actividades fóra do aula para achegar o alumnado á realidade profesional da administración de sistemas.

Charlas e obradoiros con profesionais do sector
Participación de persoas que traballan en empresas de servizos TIC, administración de sistemas, soporte técnico ou seguridade informática, para explicar o seu día a día.
Visitas técnicas a empresas e centros de datos
Visitas a empresas da contorna, centros de procesamento de datos ou servizos informáticos de administracións públicas, para coñecer infraestruturas reais.
Xornadas, feiras tecnolóxicas e actividades do centro
Colaboración en xornadas de portas abertas, semanas técnicas, feiras de proxectos ou actividades internas do CIFP, mostrando instalacións, servizos e experiencias prácticas.
Actividades de divulgación sobre software libre e seguridade
Sesións divulgativas sobre software libre, boas prácticas de seguridade, privacidade e uso responsable das TIC, en coordinación con outros módulos e co departamento.